Trendet e fundit per arredimin e shtepise 2019

Viti i ri është një mundësi e mirë për të lënë prapa atë që është e keqe dhe për të përqafuar atë që është e re dhe e mirë. Ndërkohë që vendosni se çfarë të ndryshoni në jetëm tuaj, mos harroni për arredimin e shtëpisë. Për adhuruesit e dekoreve që kërkojnë këshilla për dekorime te reja të vitit 2019, ju sjellim disa nga idetë e projektuesve më të mirë rreth trendeve në arredimin e shtëpisë për këtë vit.

1.Për vitin 2019, një trend i theksuar në arredim është ndërthurja harmonike e natyrës me ambjentet ku ne jetojmë.Materialet natyrore, organike, siç janë dysheme druri, guri, bimët, na kujtojnë natyren dhe na japin më shumë qetësi. Në ditët e sotme ne jemi një shoqëri e shtyrë, e ndikuar nga makineritë dhe teknologjia të cilat në një farë mënyre ndikojne negativisht në stilin tonë të jetesës, prandaj me aq hapësira sa keni në shtëpitë tuaja krijoni element që sjellin natyren brenda shtëpisë tuaj.  

2.Një stil tjetër është ndërthurja e arredimit modern dhe përdorimit të theksuar të ngjyrave.Tashmë po ikim nga linjat e drejta dhe të ngurta të mobiljeve drejt nje stili më komod, më modern, me shumë ngjyra dhe gjallëri.

3. "Ngjyrat trend për vitin 2019 janë ; nuancat e ngjyrës së kuqe ,nuancat e ngjyrës rozë dhe bronz.

Pra ngjyrat e ngrohta dhe tonet femërore janë trendi i këtij viti përsa i përket ngjyrave .Muret me ngjyra neutral dhe ngjyra të ngrohta do e bejnë shtëpinë tuaj më të bukur dhe me të ngrohtë.

4.Dominanca e stilit minimalist që karakterizohet nga ngjyra neutral dhe materiale të thjeshta me ne fund ka dalë jashtë mode.Në vënd të tij si trend për 2019 vjen një stil i mbushur me ngjyra dhe dizajne të ndryshme grafike, piktura i njohur si stil maksimalist. .Mos ki frike të përziesh ngjyrat, arredimin, dizajnin në shtëpinë tënde.Krijo hapesira të vecanta në cdo pjesë të shtepisë që të ben të ndjehesh mirë.

5. Letra murale vazhdon të jetë një trend dhe për 2019 , zgjidh dizenjo të ndryshme për ambjente të ndryshme të shtepisë tënde për ta bërë akoma më të ngrohtë ambjentin ku jeton.